Elordalyq Politsiia departamentiniń kiberqaýipsizdikpen kúres bóliminiń qyzmetkerleri internet arqyly qylmys jasaǵan 14 kúdiktini qolǵa túsirdi, dep habarlaidy "Ult aqparat" vedomstvonyń baspasóz qyzmetine silteme jasap.
Baspasóz qyzmetiniń málimetterine qaraǵanda, aqparattyq tehnologiialardy paidalana otyryp jasalǵan qylmystyq quqyq buzýshylyqtarmen kúres tiimdiligin arttyrý maqsatynda Nur-Sultan qalasynyń aýmaǵynda «Anti-Fraud» jedel aldyn alý sharasy uiymdastyrylǵan.
Ol úshin departamenttiń eń tájiribeli qyzmetkerlerinen arnaiy top qurylyp, úsh kúnde tártip saqshylary internet jelisinde 50-ge jýyq qylmystyń betin ashqan. Internet-alaiaqtyqtyń 29 faktisi jáne 7 internet arqyly jasalǵan urlyq anyqtaldy.
Izdestirý sharalary barysynda politsiia internet jelisinde qylmys jasaǵan 14 kúdiktini qolǵa túsirdi.
40 jastaǵy er adam ustaldy. Onyń onlain alaiaqtyqtyń 40-tan astam faktisine qatysy bar ekeni dáleldendi. Er adam aqparatty zańsyz jinaý arqyly QR azamattarynyń jeke málimetterin alyp, olardy paidalana otyryp, aqparattyq tehnologiialardyń kómegimen nesie rásimdeitin bolǵan. Qazirgi ýaqytta er adam qamaýǵa alynyp, tergeý amaldary júrgizilýde.
Sondai-aq, 20 tamyzda politsiia azamattarǵa bankterden úlken mólsherde nesie alýǵa ýáde bergen 31 jastaǵy elorda turǵynyn ustady. Bankterden nesie ala almaǵan kóptegen qala turǵyndary Internettegi deldaldarǵa júginedi. Bes qala turǵynyn aldaǵan kúdikti de dál osyndai deldal bolyp shyqty. Alaiaq óziniń «qyzmeti» úshin aldyn-ala tólem talap etip, qiwi ámiianyna aqsha aýdartyp, jelidegi jarnamalary men telefon nómirlerin óshirip tastaǵan. Qazirgi tańda osy áreket boiynsha sotqa deiingi tergeý júrip jatyr.
