Elordada politseiler mas júrgizýshini qýyp júrip ustady, – dep habarlaidy "Ult aqparat" Polisia.kz-ke silteme jasap.
Portal málimetinshe, Land Rover avtokóligin tizgindegen azamat keshki ýaqytta jol qozǵalysy erejelerin óreskel buzyp, elordanyń joldarynda apattyq jaǵdailar týǵyzǵan. Jelikpe júrgizýshi joǵary jyldamdyqpen baǵdarshamnyń tyiym salynǵan signalyna eki ret ótip, avtobýs jolaǵyna shyǵyp ketip, politseilerdiń toqtaý týraly talaptaryn elemegen.
Tártip buzýshy Respýblika dańǵylyndaǵy kólikterdiń tyǵyz aǵynynda ustaldy. Meditsinalyq kýálandyrýǵa sáikes júrgizýshi kólikti “jeńil dárejedegi” mas kúiinde basqarǵan.
"Sonymen qatar mýltitestten ótý kezinde onyń marihýana qoldanǵany anyqtaldy. Jol qozǵalysy erejelerin óreskel buzǵany úshin júrgizýshige qatysty 5 ákimshilik hattama toltyryldy. Sondai-aq, 33 jastaǵy júrgizýshiniń 2020 jyly mas kúiinde kólik júrgizgeni úshin kólik quralyn jeti jylǵa basqarý quqyǵynan aiyrylǵany anyqtaldy.
Qazirgi ýaqytta quqyq buzýshyǵa qatysty QR QK-niń 346-baby boiynsha (Kólik quraldaryn basqarý quqyǵynan aiyrylǵan jáne mas kúiinde kólik quralyn basqarý) boiynsha sotqa deiingi tergeý amaldary júrgizilip jatyr. Politsiia qyzmetkerleri er adamdy ustap, PD Ýaqytsha ustaý izoliatoryna qamaýǵa aldy" - delingen habarlamada.
