Elordada Pfizer vaktsinasyn egý bastalǵan birinshi kúnde 339 adam vaktsinatsiiadan ótti. Bul jaiynda Nur-Sultan qalalyq qoǵamdyq densaýlyq saqtaý basqarmasynan málim etti, dep habarlaidy QazAqparat.
Vedomstvo málimetinshe, ekpe alǵandardyń ishinde 14 júkti áiel (júktiliktiń 16-36 aptasy), 133 bala emizetin ana jáne 192 jasóspirim bar.
«Keshe Nur-Sultan osy preparatpen vaktsinalaýǵa jatatyn azamattarǵa ekpe salýdy bastady. Alǵashqy kúni júkti áielder, bala emizetin analar, jasóspirimder arasynan ekpe alǵysy keletinder kóp boldy. Oqýshylar, stýdentter ata-analarymen birge kelip, belsendilik tanytty. Sonymen qatar, vaktsinatsiia qala mektepterinde jaqsy júrgizildi. Barlyǵy meditsinalyq tekserýden ótip, vaktsina alýǵa dárigerdiń ruqsatyn aldy, árqaisysyna túsinikteme berildi», - dedi basqarma basshysynyń orynbasary Áliia Rústemova.
Qalalyq densaýlyq saqtaý basqarmasynyń aqparatyna sáikes, jasóspirimder arasynda ekpe alǵandardyń 127-si 16-17 jas aralyǵyndaǵy bala.
Esterińizge sala keteiik, atalǵan sanattaǵy adamdardy vaktsinatsiialaý tek meditsinalyq uiymdardyń jáne qalalyq mektepterdiń meditsinalyq pýnktterinde júrgiziledi.
Qala boiynsha barlyǵy 5 myń júkti áiel, laktatsiia kezeńinde 28 myń áiel jáne 63 myń bala Pfizer preparatymen vaktsinatsiialanýy kerek.
