Nur-Sultanda ótken jylǵy tsifrlandyrý baǵytyndaǵy jumystaryń nátijeleri belgili boldy, dep habarlaidy "Ult aqparat" elorda ákimdiginiń baspasóz qyzmetine silteme jasap.
2020 jyly elordany «Aqyldy qalaǵa» ainaldyrýǵa baǵyttalǵan jobalardy iske asyrý boiynsha úlken jumys atqaryldy. Máselen, ótken jyly memlekettik qyzmet 100% onlain formatqa aýystyryldy, al «iQala» ortalyǵy táýlik boiǵy rejimde 151 qyzmetti tikelei usynady. Qazirgi ýaqytta qala ákimdigi 159 túrli memlekettik qyzmet kórsetedi. 2020 jyly 7 mln-ǵa jýyq qyzmet kórsetildi, onyń ishinde 6 mln-nan astamy — elektrondyq formatta.
Sondai-aq, ákimniń tapsyrmasyna sáikes elorda ákimdigi janynan tsifrlandyrý boiynsha IT-keńes quryldy, onyń aiasynda halyqtyń tynys-tirshiligin jaqsartý úshin IT-sheshimder engizildi.
Qala turǵyndarynyń qaýipsizdigi maqsatynda 2020 jyly «Qaýipsiz qala» ilki jobasy iske qosyldy. Búginde bul joba iske asyrylý satysynda tur.
Aita ketý kerek, 2020 jyldyń negizgi nátijeleriniń biri — Nur-Sultannyń ziiatkerlik kólik júiesi IDC halyqaralyq kompaniiasynyń nusqasy boiynsha Eýropa, TMD jáne Ortalyq Aziia elderi arasynda kóshbasshy boldy.
2021 jylǵa qalany tsifrlyq jańǵyrtý boiynsha birqatar strategiialyq mindet belgilendi:
1. Ákimdiktiń IT-arhitektýrasyn ázirleý. Sáýlet tsifrlyq transformatsiiany júrgizý jáne ákimdik qyzmeti úshin memlekettik organdy aqparattandyrýdyń aǵymdaǵy jáne josparlanatyn jai-kúiiniń sipattamasyn qamtityn bolady.
2. Turǵynnyń biryńǵai kartasy jobasyn iske asyrý áleýmettik salaǵa baǵyttalǵan biýdjet qarajatyn jumsaýdyń tiimdiligin arttyrýǵa múmkindik beredi. Mysaly, jeńildikter alýshy kólik, dárihanalar, dúkender, TKSh, mektepter, balabaqshalar sanattary boiynsha belgili bir qyzmetterge aqy tólei alady. Sondai-aq memlekettik qyzmetterdiń sapasyn arttyrý, ártúrli basqarý organdarynyń avtomattandyrylǵan júieleriniń integratsiiasy men ózara is-qimylyn qamtamasyz etý.
3. Aqparattyq qaýipsizdiktiń jedel ortalyǵy. Nur-Sultan qalasy ákimdiginiń elektrondyq aqparat resýrstaryn, aqparattyq júielerin, telekommýnikatsiia jelilerin jáne basqa da aqparattandyrý obektilerin qorǵaý jónindegi qyzmetti júzege asyratyn bolady.
4. «Aqyldy shlagbaým» jobasyn damytý. 2020 jyly birneshe ilki joba iske qosyldy, olardyń biri – «Aqyldy shlagbaým». Arnaiy júie táýliktiń kez kelgen ýaqytynda jedel járdem jáne basqa da jedel áreket etý qyzmetteri úshin shlagbaýmdardyń avtomatty túrde ashylýyn qamtamasyz etedi. Biyl osy baǵyt boiynsha jumystar jalǵasady.
