Elordada 21-28 aqpanda ótetin chellendjer týrnirinde qazaqstandyq tennisshilerdiń qarsylastary anyqtaldy, dep habarlaidy "Ult aqparat".
Qazaqstan tennis federatsiiasy málim etkenindei, jarystyń 1-raketkasy bolyp tirkelgen Mihail Kýkýshkin birinshi ainalymda amerikalyq Makkenzi Makdonaldpen kezdesedi.
Amerikalyq sportshy erteń aiaqtalatyn Aýstraliia ashyq chempionatynyń tórtinshi ainalymyna deiin jetken bolatyn. Ol tórtinshi ainalymda reseilik, osy «Úlken dýlyǵa» týrniriniń finalyna shyqqan reseilik Daniil Medvedevke jol berdi.
Dmitrii Popko elorda dodasynda irikteý saiystarynda jeńimpaz atanǵan tennisshilerdiń bireýimen oinaidy.
Negizgi týrnirge shaqyrtý alǵan Denis Evseev Ózbekstannyń 1-raketkasy Denis Istominmen sheberlik baiqasady. Timofei Skatov slovakiialyq Martin Klijanmen synǵa túsedi. Taǵy bir qazaqstandyq Dostanbek Tashbolatov Úndistannyń 1-raketkasy Pradjnesh Gýnnesvaranmen kortqa shyǵady.
