ەلوردادا 21-28 اقپاندا ٶتەتٸن چەللەندجەر تۋرنيرٸندە قازاقستاندىق تەننيسشٸلەردٸڭ قارسىلاستارى انىقتالدى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, جارىستىڭ 1-راكەتكاسى بولىپ تٸركەلگەن ميحايل كۋكۋشكين بٸرٸنشٸ اينالىمدا امەريكالىق ماككەنزي ماكدونالدپەن كەزدەسەدٸ.
امەريكالىق سپورتشى ەرتەڭ اياقتالاتىن اۋسترالييا اشىق چەمپيوناتىنىڭ تٶرتٸنشٸ اينالىمىنا دەيٸن جەتكەن بولاتىن. ول تٶرتٸنشٸ اينالىمدا رەسەيلٸك, وسى «ٷلكەن دۋلىعا» تۋرنيرٸنٸڭ فينالىنا شىققان رەسەيلٸك دانييل مەدۆەدەۆكە جول بەردٸ.
دميتريي پوپكو ەلوردا دوداسىندا ٸرٸكتەۋ سايىستارىندا جەڭٸمپاز اتانعان تەننيسشٸلەردٸڭ بٸرەۋٸمەن وينايدى.
نەگٸزگٸ تۋرنيرگە شاقىرتۋ العان دەنيس ەۆسەەۆ ٶزبەكستاننىڭ 1-راكەتكاسى دەنيس يستومينمەن شەبەرلٸك بايقاسادى. تيموفەي سكاتوۆ سلوۆاكييالىق مارتين كليجانمەن سىنعا تٷسەدٸ. تاعى بٸر قازاقستاندىق دوستانبەك تاشبولاتوۆ ٷندٸستاننىڭ 1-راكەتكاسى پرادجنەش گۋننەسۆارانمەن كورتقا شىعادى.
