Foto: pexels.com
Elorda turǵyny meditsinalyq qyzmetpen litsenziiasyz ainalysyp, densaýlyqqa ziian keltirgen. Bul isi úshin turǵynǵa qatysty sot úkimi shyqty, dep habarlaidy Ult.kz Bas prokýratýraǵa silteme jasap.
Ol tiisti litsenziia men sertifikatsyz, saqtaý merzimi ótken fillerdi qoldaný arqyly kosmetikalyq protsedýra júrgizip, nátijesinde jábirlenýshiniń denesinde qabyný protsesi bolyp, oǵan meditsinalyq kómek qajet etken.
Kinálige 1 jyl 6 ai bas bostandyǵynan shekteý jazasy taǵaiyndalyp, májbúrli eńbekke tartylyp, meditsinalyq qyzmetpen ainalysý quqyǵynan aiyryldy.
Sottalǵannan jábirlenýshiniń paidasyna 5,8 mln teńge materialdyq jáne moraldyq shyǵyn óndirildi.
Úkim zańdy kúshine endi.
"Qala prokýratýrasy azamattardy meditsinalyq protsedýralardy qabyldaý úshin tek litsenziiasy bar bilikti mamandarǵa ǵana júginýdiń mańyzdylyǵy týraly eskertedi", - dep eskertedi prokýrorlar.
