Elorda aýmaǵynda politsiia qyzmetkerleri jol-kólik oqiǵalarynyń aldyn alý jáne jol erejesin buzý faktilerin anyqtaý maqsatynda reid ótkizdi, dep habarlaidy "Ult aqparat" Nur-Sultan qalalyq PD baspasóz qyzmetine silteme jasap.
Úsh kún ishinde 63 ákimshilik quqyq buzýshylyq faktisi tirkeldi, onyń ishinde mas kúiinde kólik tizgindegeni úshin 57 júrgizýshi jáne kólik quralyn basqarý quqyǵynan aiyrylǵan 2 júrgizýshi ustaldy. Kommýnaldyq turaqqa 62 kólik qoiyldy. Barlyq júrgizýshi mas kúiinde kólik júrgizgeni úshin sotqa tartyldy.
Mereke qarsańynda Shubar shaǵyn aýdanynda politseiler Nissan Maksima markaly kólikti toqtatty. Ony 32 jastaǵy júrgizýshi mas kúiinde tizgindegen. Buryn er adamnyń sot sheshimimen QR ÁQBtK-niń 608-baby 1-tarmaǵy boiynsha mas kúiinde júrgizgeni úshin júrgizýshi kýáliginen aiyrylǵany anyqtaldy. Qazirgi ýaqytta júrgizýshi qamaýǵa alynyp, PD ýaqytsha ustaý izoliatoryna qamaldy, qylmystyq is qozǵaldy. Kólik basqarý quqyǵynan aiyrylǵan júrgizýshige temir tulpardy tizgindegeni úshin jáne mas kúide kólik júrgizgeni úshin 5 myń AEK-ke deiingi aiyppuldan 5 jylǵa deiingi merzimge bas bostandyǵynan aiyrý jazasy taǵaiyndalady.
