Elordada 2020 jyly Kepildendirilgen tegin meditsinalyq kómek pen Mindetti áleýmettik-meditsinalyq saqtandyrýǵa 2019 jylǵa qaraǵanda qarajat 55 paiyzǵa artyq aýdarylǵan. Bul týraly Nur-Sultan qalasynyń qoǵamdyq densaýlyq saqtaý basqarmasynyń basshysy Timýr Muratov málim etti, dep habarlaidy QazAqparat.
«Mindetti áleýmettik-meditsinalyq saqtandyrý aiasynda qalanyń meditsinalyq uiymdary osy jyldyń qańtary men qyrkúiegi aralyǵynda aldyn ala tekserý, konsýltativti-diagnostikalyq kómek, statsionarólsheýshi kómek, statsionarlyq-meditsinalyq kómek, sonymen qatar joǵarytehnologiialy meditsinalyq, qalpyna keltirý em-domy men meditsinalyq ońaltý qyzmetter kórsetildi. 2020 jyldyń 1 qańtarynan bastap KT men MRT qatarly teskerýdiń qymbat túrleri, meditsinalyq-genetikalyq zertteýler, qymbat turatyn zerthanalyq qyzmetter anyqtamasy men meditsinalyq-sanitarlyq dárigerdiń baǵyttamasy boiynsha kelgen patsientterge tegin kórsetilýde», - dedi Timýr Muratov qala ákimdiginiń Facebook paraqshasynda ótken baspasóz máslihatynda.
Onyń aitýynsha, meditsinalyq qyzmetterdiń tasymaldaýshysy reestrine kiretin meditsinalyq uiymdarda (onyń ishinde respýblikalyq jáne jekemenshik) KT-nyń 19 apparaty jáne MRT-nyń 19 apparaty bar. Biyl sonymen birge qaladaǵy №9 jáne №13 emhanalarǵa qosymsha 2 apparat satyp alynǵan.
Odan bólek, basqarma basshysy 2020 jyldyń 1 qańtaryndaǵy jaǵdai boiynsha qaladaǵy emhanalarǵa 1 191 650 adamnyń tirkelgenin málim etti.
Timýr Muratovtyń aitýynsha, 2020 jyly Kepildendirilgen tegin meditsinalyq kómek pen Mindetti áleýmettik-meditsinalyq saqtandyrý aiasynda meditsinalyq uiymdarǵa 166 mlrd teńge bólingen. Bul – 2019 jylǵa qaraǵanda 55 paiyzǵa kóp soma.
