Elordada meditsina qyzmetkerlerin 2 komponentpen vaktsinalaý bastaldy. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aityp berdi, dep habarlaidy «Ult aqparat».
«Memleket basshysynyń tapsyrmasymen 1 aqpannan bastap meditsina qyzmetkerlerin erikti vaktsinalaý naýqany bastaldy. 2021 jyldyń 22 aqpanyndaǵy jaǵdai boiynsha 2008 meditsina qyzmetkerine vaktsina egildi. Onyń ishinde jedel járdem stantsiiasy qyzmetkerleri – 63, alǵashqy meditsinalyq kómek uiymdarynyń qyzmetkerleri – 1018, infektsiialyq statsionarlar – 161, reanimatsiia bólimsheleriniń meditsina qyzmetkerleri – 222, SEK jáne USO mamandary – 42, qalalyq statsionarlar – 383, prezident isi basqarmasy qyzmetkerleri – 111 jáne QDS mamandary – 8. Búgingi kúnnen bastap meditsina qyzmetkerlerin 2 komponentpen vaktsinalaý bastaldy», - dedi S. Beisenova Nur-Sultan qalasynyń ákimdigi uiymdastyrǵan onlain-brifingte.
Aita keteiik, Nur-Sultanda aqpan aiynyń basynan beri 2192 virýs juqtyrý jaǵdaiy tirkelgen. Nur-Sultanda koronavirýspen aýyrǵandardyń negizgi úlesi 30-39 jasta. Qazirgi ýaqytta elordada 21 mektepte karantin jalǵasýda. Al elordalyqtar mamyr aiynda ekpe ala alady.
