ەلوردادا مەديتسينا قىزمەتكەرلەرٸن 2 كومپونەنتپەن ۆاكتسينالاۋ باستالدى. بۇل تۋرالى نۇر-سۇلتان قالاسىنىڭ باس مەملەكەتتٸك سانيتارلىق دەرٸگەرٸ سارحات بەيسەنوۆا ايتىپ بەردٸ, دەپ حابارلايدى «ۇلت اقپارات».
«مەملەكەت باسشىسىنىڭ تاپسىرماسىمەن 1 اقپاننان باستاپ مەديتسينا قىزمەتكەرلەرٸن ەرٸكتٸ ۆاكتسينالاۋ ناۋقانى باستالدى. 2021 جىلدىڭ 22 اقپانىنداعى جاعداي بويىنشا 2008 مەديتسينا قىزمەتكەرٸنە ۆاكتسينا ەگٸلدٸ. ونىڭ ٸشٸندە جەدەل جەردەم ستانتسيياسى قىزمەتكەرلەرٸ – 63, العاشقى مەديتسينالىق كٶمەك ۇيىمدارىنىڭ قىزمەتكەرلەرٸ – 1018, ينفەكتسييالىق ستاتسيونارلار – 161, رەانيماتسييا بٶلٸمشەلەرٸنٸڭ مەديتسينا قىزمەتكەرلەرٸ – 222, سەك جەنە ۇسو ماماندارى – 42, قالالىق ستاتسيونارلار – 383, پرەزيدەنت ٸسٸ باسقارماسى قىزمەتكەرلەرٸ – 111 جەنە قدس ماماندارى – 8. بٷگٸنگٸ كٷننەن باستاپ مەديتسينا قىزمەتكەرلەرٸن 2 كومپونەنتپەن ۆاكتسينالاۋ باستالدى», - دەدٸ س. بەيسەنوۆا نۇر-سۇلتان قالاسىنىڭ ەكٸمدٸگٸ ۇيىمداستىرعان ونلاين-بريفينگتە.
ايتا كەتەيٸك, نۇر-سۇلتاندا اقپان ايىنىڭ باسىنان بەرٸ 2192 ۆيرۋس جۇقتىرۋ جاعدايى تٸركەلگەن. نۇر-سۇلتاندا كوروناۆيرۋسپەن اۋىرعانداردىڭ نەگٸزگٸ ٷلەسٸ 30-39 جاستا. قازٸرگٸ ۋاقىتتا ەلوردادا 21 مەكتەپتە كارانتين جالعاسۋدا. ال ەلوردالىقتار مامىر ايىندا ەكپە الا الادى.
