Nur-Sultanda UOS ardagerleri 1 mln teńgeden beriledi, dep habarlaidy "Ult aqparat" qala ákimdigine silteme jasap.
«9 mamyrǵa aqshalai tólem ardagerlerdiń jesirlerine, tyl eńbekkerlerine jáne basqa da birqatar sanattarǵa qarastyrylǵan. Jeńistiń 75 jyldyǵyn merekeleýge bailanysty Nur-Sultanda UOS qatysýshylary men múgedekteri 1 mln teńgeden alady. Qazirgi tańda elordada UOS 44 ardageri bar. Sonymen qatar, tyl eńbekkerleri, qaitys bolǵan UOS múgedekteri men qatysýshylarynyń áielderi, sondai-aq jeńildikter men kepildikter boiynsha UOS ardagerlerine teńestirilgen barlyq adamdar da bir jolǵy aqshalai tólem beriledi», delingen habarlamada.
Atap aitqanda, jeńildikter men kepildikter boiynsha Ekinshi dúniejúzilik soǵysqa qatysýshylar men múgedekterine teńestirilgen adamdarǵa – 75 myń teńgeden (405 adam), jeńildikter men kepildikter boiynsha soǵysqa qatysýshylarǵa teńestirilgen adamdarǵa, onyń ishinde qaza tapqan áskeri qyzmetshilerdiń otbasylaryna, soǵys jyldarynda qaitys bolǵan UOS ardagerleriniń jesirlerine, tyl eńbekkerlerine – 32 500 teńgeden (3 529 adam) birjolǵy aqshalai tólem qarastyrylǵan.
