Elordada qoǵamdyq kólikterde jolaýshylar maska taǵyp júrýge mindetti. Keri jaǵdaida avtobýsqa otyrǵyzylmaidy, dep habarlaidy "Ult aqparat".
CTS kompaniiasynyń qyzmetkerleri tańǵy saǵat 6-dan bastap qoǵamdyq kólik toqtaǵansha jolaýshylarmen jumys jasaýda. Olar adamdardyń maska taǵýyn tekserip, saqttyq sharalaryn túsindirip jatyr.
«Jolaýshyda maska bolmaǵan jaǵdaida avtobýstan túsýdi ótinemiz. Buǵan qosa, avtobýs ishi jolaýshyǵa 50 paiyz tolǵanda aialdamaǵa toqtaǵanymen, aldyńǵy esigi ashylmaidy. Júrgizýshi basqa jolaýshylardy shyǵarý úshin qalǵan esikterdi ashady. Bul sharalar qala turǵyndarynyń qaýipsizdigi úshin jasalady», - dep atap ótedi atalǵan kompaniiadan.
Eskerińizge sala keteiik, 11 mamyrda elimizde tótenshe jaǵdai rejimi alyndy. Epidemiialogiialyq ahýaldyń jaqsarýyna bailanysty shekteý sharalary da birtindep jumsartylýda. Sol sebepti qoǵamdyq kóliktegi jolaýshylar sany artyp keledi. Máselen, avtobýstar baǵdarǵa shyqqan 12 mamyr kúni qoǵamdyq kólikterde 146 907 jolaýshy qatynasa 15 mamyrda adamdar sany 237 969-ǵa jetti. Qoǵamdyq kólik 15 mamyrdan bastap tańǵy saǵat 6-dan keshki 22:00-ge deiin júredi.
«Sanitarlyq normalar buzylǵan jaǵdaida qoǵamdyq kóliktiń qozǵalysy toqtap, qala karantinniń qatań sharalaryna qaita oralýy múmkin», - dep eskertedi CTS kompaniiasynda.
