ەلوردادا قوعامدىق كٶلٸكتەردە جولاۋشىلار ماسكا تاعىپ جٷرۋگە مٸندەتتٸ. كەرٸ جاعدايدا اۆتوبۋسقا وتىرعىزىلمايدى, دەپ حابارلايدى "ۇلت اقپارات".
CTS كومپانيياسىنىڭ قىزمەتكەرلەرٸ تاڭعى ساعات 6-دان باستاپ قوعامدىق كٶلٸك توقتاعانشا جولاۋشىلارمەن جۇمىس جاساۋدا. ولار ادامداردىڭ ماسكا تاعۋىن تەكسەرٸپ, ساقتتىق شارالارىن تٷسٸندٸرٸپ جاتىر.
«جولاۋشىدا ماسكا بولماعان جاعدايدا اۆتوبۋستان تٷسۋدٸ ٶتٸنەمٸز. بۇعان قوسا, اۆتوبۋس ٸشٸ جولاۋشىعا 50 پايىز تولعاندا ايالداماعا توقتاعانىمەن, الدىڭعى ەسٸگٸ اشىلمايدى. جٷرگٸزۋشٸ باسقا جولاۋشىلاردى شىعارۋ ٷشٸن قالعان ەسٸكتەردٸ اشادى. بۇل شارالار قالا تۇرعىندارىنىڭ قاۋٸپسٸزدٸگٸ ٷشٸن جاسالادى», - دەپ اتاپ ٶتەدٸ اتالعان كومپانييادان.
ەسكەرٸڭٸزگە سالا كەتەيٸك, 11 مامىردا ەلٸمٸزدە تٶتەنشە جاعداي رەجيمٸ الىندى. ەپيدەمييالوگييالىق احۋالدىڭ جاقسارۋىنا بايلانىستى شەكتەۋ شارالارى دا بٸرتٸندەپ جۇمسارتىلۋدا. سول سەبەپتٸ قوعامدىق كٶلٸكتەگٸ جولاۋشىلار سانى ارتىپ كەلەدٸ. مەسەلەن, اۆتوبۋستار باعدارعا شىققان 12 مامىر كٷنٸ قوعامدىق كٶلٸكتەردە 146 907 جولاۋشى قاتىناسا 15 مامىردا ادامدار سانى 237 969-عا جەتتٸ. قوعامدىق كٶلٸك 15 مامىردان باستاپ تاڭعى ساعات 6-دان كەشكٸ 22:00-گە دەيٸن جٷرەدٸ.
«سانيتارلىق نورمالار بۇزىلعان جاعدايدا قوعامدىق كٶلٸكتٸڭ قوزعالىسى توقتاپ, قالا كارانتيننٸڭ قاتاڭ شارالارىنا قايتا ورالۋى مٷمكٸن», - دەپ ەسكەرتەدٸ CTS كومپانيياسىندا.
