Elordada «Lexus» markaly avtokóliktiń júrgizýshisi Bókeihan kóshesimen kele jatyp, joldyń júrý bóliginen ótip bara jatqan 24 jastaǵy qyzdy qaǵyp ketti, dep habarlaidy QazAqparat Nur-Sultan qalalyq PD baspasóz qyzmetine silteme jasap.
Qujattaryn tekserý barysynda politsiia qyzmetkerleri 56 jastaǵy júrgizýshiden ishimdiktiń isi shyǵyp turǵanyn baiqaǵan.
Meditsinalyq saraptamanyń qorytyndysy boiynsha ol mas kúiinde bolǵan. Jol-kólik oqiǵasy saldarynan boijetken dene jaraqatyn alyp, qalalyq aýrýhanaǵa jetkizildi. Meditsinalyq kómek kórsetilgen soń ol aýrýhanadan shyǵaryldy. Atalǵan fakti boiynsha tergeý amaldary júrgizilýde.
Sol kúni túngi ýaqytta kýágerden politsiiaǵa «Toiota kamri» avtokóliginiń júrgizýshisi mas kúiinde kólik júrgizgeni týraly habarlama kelip tústi. 25 jastaǵy quqyq buzýshynyń ustalǵan sáti politseidiń beinetirkeý quralyna jazylyp qalǵan. Meditsinalyq saraptamaǵa sáikes, júrgizýshi jeńil dárejede mas kúide kólik júrgizgen.
Elordalyq politseiler úsh táýlikte 5 mas júrgizýshini ustaǵan. Barlyq júrgizýshiler jaýapqa tartyldy.
QR ÁQBtK-niń 608-babyna sáikes, kólik quralyn mas kúiinde basqarǵany úshin ákimshilik sottyń sheshimimen tártip buzýshylar 15 táýlik merzimge qamaýǵa alynyp, jeti jyl merzimge júrgizýshi kýáliginen aiyryldy. Avtokólikter kommýnaldyq turaqqa ornalastyryldy.
