Elordada mas kúide kólik basqarǵan júrgizýshi kólik turaǵynda turǵan 6 kólikke zaqym keltirdi, dep habarlaidy "Ult aqparat" qalalyq PD baspasóz qyzmetine silteme jasap.
Politsiia departamentiniń baspasóz qyzmeti taratqan málimetke sai, 16 sáýir kúni 01:00-de 33 jastaǵy júrgizýshi mas kúide «Kia» markaly kólikpen kele jatyp, Bógenbai kóshesiniń boiyndaǵy kólik turaǵynda turǵan 6 kólikti soqqan.
«Apat saldarynan eshkim japa shekken joq. Osy is boiynsha júrgizýshige QR Ákimshilik quqyq buzýshylyq týraly kodeksiniń 608-babynyń 3-bóligi boiynsha is qozǵaldy. Sot úkimi boiynsha júrgizýshi kináli dep tanyldy. Ol 20 táýlikke qamaýǵa alynady jáne 7 jyl kólik júrgizý quqyǵynan aiyryldy. Kólik kommýnaldyq turaqqa qoiyldy» delingen habarlamada.
