Elordada koronavirýs juqtyrǵan analar 17 náresteni dúniege ákeldi. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova málim etti, dep habarlaidy "Ult aqparat".
«Qazirge deiin qalanyń infektsiialyq statsionarlarynda koronavirýs juqtyrǵan analar 17 náresteni dúniege ákeldi. Jalpy, Nur-Sultan qalasynda infektsiiaǵa shaldyqqan 112 júkti áiel tirkeldi. Onyń ishinde statsionarlarda 78 júkti áiel bar», - dedi S. Qisyqova Ortalyq kommýnikatsiialar qyzmetinde.
Sonymen qatar, qazirgi jaǵdaiǵa bailanysty atqarylyp jatqan sharalarǵa toqtaldy.
«Qazirgi kezde jumyldyrylǵan statsionarlar sany 10-ǵa jetti. Qosymsha provizorlyq statsionarlardaǵy oryndar sany 300-den 705-ke deiin jetkizildi. Búgin jumys kúni aiaqtalǵanǵa deiin bólek perzenthanyny nemese COVID-perinataldyq ortalyqty ashý kózdelgen. Iaǵni, osy is qaita beiindeý esebinen júzege asyrylady», - dedi Sáýle Qisyqova.
