Elordada kúieýi ústine benzin quiyp órtep jibergen áiel qaza tapty, dep habarlaidy "Ult aqparat".
«Denesiniń 75 paiyzyn kúiik shalǵan patsient 2019 jyldyń 10 qarashasynda saǵat 1:35-te ómirden ozdy», - dedi Travmatologiia jáne ortopediia ǵylymi-zertteý institýtynyń baspasóz qyzmetinen.
Eske sala ketsek, osydan bir ai buryn elordalyq azamat otbasylyq janjal kezinde áieliniń ústine benzin quiyp, órtep jibergen edi.
«6 qazan kúni saǵat shamamen 11.40-ta politsiiaǵa avtobýs aialdamasynda denesin kúiik shalǵan áieldiń otyrǵany týraly aqparat tústi. Áiel tez arada aýrýhanaǵa jatqyzyldy. Atalǵan fakti boiynsha politsiia qyzmetkerleri kúdikti retinde onyń 43 jastaǵy kúieýin ustady», - dep habarlady Nur-Sultan qalalyq politsiia departamenti.
Al Nur-Sultan qalasyndaǵy Travmatologiia jáne ortopediia ǵylymi-zertteý institýty dárigerleri áieldiń aman qalýy ekitalai ekenin habarlaǵan edi. Degenmen osydan 4-5 kún buryn ǵana Travmatologiia jáne ortopediia ǵylymi-zertteý institýty naýqastyń esin jinap, jaqsarý dinamikasy baiqalatynyn málimdegen bolatyn.
