2021 jyldyń basynan beri Nur-Sultan qalasynda 1600-den astam adam koronavirýstan qaitys boldy. Bul týraly Nur-Sultan qalasynyń Qoǵamdyq densaýlyq saqtaý basqarmasynyń basshysy Timýr Mýratov aitty, dep habarlaidy QazAqparat.
«Ótken jyly naýryz aiynda pandemiia bastalǵannan beri PTR testimen diagnozy rastalǵan 652 adam koronavirýstan qaitys boldy. Al biylǵy toǵyz aida 1681 adam kóz jumdy. Balalar arasynda koronavirýs diagnozynan qaitys bolǵandar joq, olardyń qatar júretin ilespe aýrýlary boldy. Sondai-aq, qaitys bolǵandardyń arasynda eki júkti áiel bar», - dedi Timýr Muratov Ortalyq kommýnikatsiialar qyzmetinde ótken baspasóz máslihatynda.
Qazirgi ýaqytta elorda boiynsha 990 tósek-oryn qory bar 7 infektsiialyq statsionar qyzmet etedi. Tańǵy málimetke sáikes 578 adam kovidti statsionarlarda em qabyldap jatyr, tósek-orynnyń 58,4% naýqastar jatyr.
Elorda boiynsha vaktsina alýǵa jatatyn halyq sany 647 myń adam. Onyń 68 paiyzy nemese 436 myńnan astam azamat vaktsinanyń birinshi komponentin aldy, al tolyq immýndaýdan 401 myńnan kóp azamat ótti.
Sonymen birge, Nur-Sultanda vaktsinatsiiaǵa meditsinalyq qarsy kórsetilimi barlarǵa «jasyl» mártebe beriledi.
