2021 جىلدىڭ باسىنان بەرٸ نۇر-سۇلتان قالاسىندا 1600-دەن استام ادام كوروناۆيرۋستان قايتىس بولدى. بۇل تۋرالى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۋراتوۆ ايتتى, دەپ حابارلايدى قازاقپارات.
«ٶتكەن جىلى ناۋرىز ايىندا پاندەمييا باستالعاننان بەرٸ پتر تەستٸمەن دياگنوزى راستالعان 652 ادام كوروناۆيرۋستان قايتىس بولدى. ال بيىلعى توعىز ايدا 1681 ادام كٶز جۇمدى. بالالار اراسىندا كوروناۆيرۋس دياگنوزىنان قايتىس بولعاندار جوق, ولاردىڭ قاتار جٷرەتٸن ٸلەسپە اۋرۋلارى بولدى. سونداي-اق, قايتىس بولعانداردىڭ اراسىندا ەكٸ جٷكتٸ ەيەل بار», - دەدٸ تيمۋر مۇراتوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
قازٸرگٸ ۋاقىتتا ەلوردا بويىنشا 990 تٶسەك-ورىن قورى بار 7 ينفەكتسييالىق ستاتسيونار قىزمەت ەتەدٸ. تاڭعى مەلٸمەتكە سەيكەس 578 ادام كوۆيدتٸ ستاتسيونارلاردا ەم قابىلداپ جاتىر, تٶسەك-ورىننىڭ 58,4% ناۋقاستار جاتىر.
ەلوردا بويىنشا ۆاكتسينا الۋعا جاتاتىن حالىق سانى 647 مىڭ ادام. ونىڭ 68 پايىزى نەمەسە 436 مىڭنان استام ازامات ۆاكتسينانىڭ بٸرٸنشٸ كومپونەنتٸن الدى, ال تولىق يممۋنداۋدان 401 مىڭنان كٶپ ازامات ٶتتٸ.
سونىمەن بٸرگە, نۇر-سۇلتاندا ۆاكتسيناتسيياعا مەديتسينالىق قارسى كٶرسەتٸلٸمٸ بارلارعا «جاسىل» مەرتەبە بەرٸلەدٸ.
