Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova koronavirýs infektsiiasynan qaitys bolǵan eki adam týraly aqparat berdi, dep habarlaidy "Ult aqparat".
«Nur-Sultan qalasynda koronavirýs indetinen eki adam qaitys boldy. Osy oraida marqumdardyń týystary men jaqyndaryna qaiǵyryp kóńil aitamyz. Birinshi naýqas 1958 jyly týǵan áiel adam on kúndei úiinde ózin-ózi emdegen. 31 naýryz kúni jaǵdaiy aýyrlaǵanda jedel járdem arqyly juqpaly aýrýlar aýrýhanasynyń jansaqtaý bólimine jatqyzylyp, jasandy ókpeni jeldetý apparatyna qosyldy. Jaǵdaiynyń aýyrlyǵyna bailanysty 18 sáýirde respýblikalyq qarqyndy terapiia ortalyǵyna aýystyryldy. Emdeý hattamasyna sáikes, naýqasqa qajetti em-dom sharalary júrgizildi. Biraq reanimatsiialyq sharalarǵa qaramastan, naýqas 13 mamyr kúni kóz jumdy», - dedi Qisyqova.
Onyń sózine qaraǵanda, ekinshi naýqas - 1977 jyly týǵan er adam. Otbasynda koronavirýs juqtyrǵan janmen jaqyn qatynasta bolǵan.
«Osy oraida tórt kún úi karantininde boldy. 17 sáýirde jedel járdem qyzmeti arqyly juqpaly aýrýlar aýrýhanasyna jetkizildi. Oǵan tiisti emdeý sharalary jasaldy. Alaida jaǵdaiy aýyrlaǵandyqtan, 22 sáýirde jansaqtaý bólimine aýystyryldy. Naýqas sońǵy eki jylda qosymsha aýrýlary boiynsha emhanada tirkeýde bolǵan. 13 mamyrda qarqyndy terapiiaǵa qaramastan, naýqas qaitys boldy», - dedi basqarma basshysy.
Budan buryn habarlanǵandai, elordada koronavirýstan eki adam kóz jumǵan edi.
