نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋس ينفەكتسيياسىنان قايتىس بولعان ەكٸ ادام تۋرالى اقپارات بەردٸ, دەپ حابارلايدى "ۇلت اقپارات".
«نۇر-سۇلتان قالاسىندا كوروناۆيرۋس ٸندەتٸنەن ەكٸ ادام قايتىس بولدى. وسى ورايدا مارقۇمداردىڭ تۋىستارى مەن جاقىندارىنا قايعىرىپ كٶڭٸل ايتامىز. بٸرٸنشٸ ناۋقاس 1958 جىلى تۋعان ەيەل ادام ون كٷندەي ٷيٸندە ٶزٸن-ٶزٸ ەمدەگەن. 31 ناۋرىز كٷنٸ جاعدايى اۋىرلاعاندا جەدەل جەردەم ارقىلى جۇقپالى اۋرۋلار اۋرۋحاناسىنىڭ جانساقتاۋ بٶلٸمٸنە جاتقىزىلىپ, جاساندى ٶكپەنٸ جەلدەتۋ اپپاراتىنا قوسىلدى. جاعدايىنىڭ اۋىرلىعىنا بايلانىستى 18 سەۋٸردە رەسپۋبليكالىق قارقىندى تەراپييا ورتالىعىنا اۋىستىرىلدى. ەمدەۋ حاتتاماسىنا سەيكەس, ناۋقاسقا قاجەتتٸ ەم-دوم شارالارى جٷرگٸزٸلدٸ. بٸراق رەانيماتسييالىق شارالارعا قاراماستان, ناۋقاس 13 مامىر كٷنٸ كٶز جۇمدى», - دەدٸ قيسىقوۆا.
ونىڭ سٶزٸنە قاراعاندا, ەكٸنشٸ ناۋقاس - 1977 جىلى تۋعان ەر ادام. وتباسىندا كوروناۆيرۋس جۇقتىرعان جانمەن جاقىن قاتىناستا بولعان.
«وسى ورايدا تٶرت كٷن ٷي كارانتينٸندە بولدى. 17 سەۋٸردە جەدەل جەردەم قىزمەتٸ ارقىلى جۇقپالى اۋرۋلار اۋرۋحاناسىنا جەتكٸزٸلدٸ. وعان تيٸستٸ ەمدەۋ شارالارى جاسالدى. الايدا جاعدايى اۋىرلاعاندىقتان, 22 سەۋٸردە جانساقتاۋ بٶلٸمٸنە اۋىستىرىلدى. ناۋقاس سوڭعى ەكٸ جىلدا قوسىمشا اۋرۋلارى بويىنشا ەمحانادا تٸركەۋدە بولعان. 13 مامىردا قارقىندى تەراپيياعا قاراماستان, ناۋقاس قايتىس بولدى», - دەدٸ باسقارما باسشىسى.
بۇدان بۇرىن حابارلانعانداي, ەلوردادا كوروناۆيرۋستان ەكٸ ادام كٶز جۇمعان ەدٸ.
