Elordada omikron shtamy órship tur. Bul týraly Nur-Sultan qalasynyń bas sanitar dárigeri Sarhat Beisenova aitty, dep habarlaidy QazAqparat.
«Aýrýdyń órshýine bailanysty jyl basynda naýqastardan alynǵan 51 PTR-diń oń synamasyna sekvenirleý júrgizildi. Nátijesinde omikron shtamy koronavirýspen aýyrǵan elordalyqtardyń 70,6 paiyzynan, al delta shtamy 29,4 paiyzynan tabyldy. Osylaisha, elordada omikron shtamynyń ainalymy basymdyqqa ie. Biraq, delta shtammy kezinde aýrýdyń óte aýyr formada ótetinin, ólim-jitim kórsetkishi joǵary ekendigin esten shyǵarmaý qajet», - dedi Sarhat Beisenova elorda ákimdiginde uiymdastyrylǵan brifing barysynda.
Onyń atap ótýinshe, koronavirýspen aýyrǵandardy barynsha anyqtaý maqsatynda qalada 24 zerthana jumys istep tur.
Olar kún saiyn 5 myńnan 11 myńǵa deiin PTR-testi jasalady.
Jalpy, jyl basynan beri elordada 295 844 zertteý júrgizilip, 84 310 naýqas anyqtaldy.
«Qalada aýrýdyń tómendeýi eń aldymen halyqtyń ujymdyq immýnitetke jaqyndaýyna bailanysty. Iaǵni, vaktsina alǵan turǵyndardyń, aýyryp jazylǵandardyń úlesi ulǵaidy. Elordada qazirgi ýaqytta vaktsinanyń 1-komponentin saldyrǵandar sany - 503 967, ekinshi komponnent - 471 619 adam. Onyń ishinde 73 885 adam revaktsina aldy», - dedi bas sanitar dáriger.
