Nur-Sultan qalasynda 74 bala koronavirýstan emdelip jatyr, onyń ishinde 7 balanyń jaǵdaiy aýyr. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Timýr Muratov málim etti, dep habarlaidy "Ult aqparat"
«Eresekterden bólek koronavirýs aýrýy balalardyń arasynda da kezedesedi. Qazirgi tańda elordada 74 bala statsionarda em qabyldap jatyr, onyń ishinde 7 balanyń jaǵdaiy aýyr. Ótken táýlikte 12 bala aýrýhanaǵa tústi. Odan bólek, 834 bala ambýlatorly túrde em alyp jatyr», - dedi Timýr Muratov OKQ-de onlain ótken baspasóz máslihatynda.
Basqarma basshysynyń málimetinshe, elordada jyl basynan beri koronavirýspen 10 myńnan astam bala aýyryp shyqty.
«Ásirese virýsty juqtyrýshylar jaz mezgilinde ósip otyr. Maýsym aiynan bastap balalar virýstyń aiqyn klinikalyq belgilerimen túse bastady. Bul ýlaný, qaltyraý, dene qyzýynyń kóterilýi, kataraldy kórinister de bolýy múmkin. Balalardyń otbasyndaǵy ekpe almaǵan adamdarmen bailanystan soń aýyra bastaǵandyǵyn atap ótkim keledi. Iaǵni vaktsina almaǵan azamattar virýsty óz balalary men jaqyndaryna juqtyrady», - deidi ol.
