نۇر-سۇلتان قالاسىندا 74 بالا كوروناۆيرۋستان ەمدەلٸپ جاتىر, ونىڭ ٸشٸندە 7 بالانىڭ جاعدايى اۋىر. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ مەلٸم ەتتٸ, دەپ حابارلايدى "ۇلت اقپارات"
«ەرەسەكتەردەن بٶلەك كوروناۆيرۋس اۋرۋى بالالاردىڭ اراسىندا دا كەزەدەسەدٸ. قازٸرگٸ تاڭدا ەلوردادا 74 بالا ستاتسيوناردا ەم قابىلداپ جاتىر, ونىڭ ٸشٸندە 7 بالانىڭ جاعدايى اۋىر. ٶتكەن تەۋلٸكتە 12 بالا اۋرۋحاناعا تٷستٸ. ودان بٶلەك, 834 بالا امبۋلاتورلى تٷردە ەم الىپ جاتىر», - دەدٸ تيمۋر مۇراتوۆ وكق-دە ونلاين ٶتكەن باسپاسٶز مەسليحاتىندا.
باسقارما باسشىسىنىڭ مەلٸمەتٸنشە, ەلوردادا جىل باسىنان بەرٸ كوروناۆيرۋسپەن 10 مىڭنان استام بالا اۋىرىپ شىقتى.
«ەسٸرەسە ۆيرۋستى جۇقتىرۋشىلار جاز مەزگٸلٸندە ٶسٸپ وتىر. ماۋسىم ايىنان باستاپ بالالار ۆيرۋستىڭ ايقىن كلينيكالىق بەلگٸلەرٸمەن تٷسە باستادى. بۇل ۋلانۋ, قالتىراۋ, دەنە قىزۋىنىڭ كٶتەرٸلۋٸ, كاتارالدى كٶرٸنٸستەر دە بولۋى مٷمكٸن. بالالاردىڭ وتباسىنداعى ەكپە الماعان ادامدارمەن بايلانىستان سوڭ اۋىرا باستاعاندىعىن اتاپ ٶتكٸم كەلەدٸ. ياعني ۆاكتسينا الماعان ازاماتتار ۆيرۋستى ٶز بالالارى مەن جاقىندارىنا جۇقتىرادى», - دەيدٸ ول.
