Elordadaǵy «Arqar» kópirinen shyqqan órt sóndirildi, dep habarlaidy QazAqparat.
Qalalyq tótenshe jaǵdailar departamentiniń málimetinshe, Saraishyq kóshesi boiyndaǵy kópirdiń tirek baǵandaryndaǵy elektr kabeli 40 metr boiy janǵan.
«Oqiǵa ornynda elektr kabelderin toqtan ajyratý jumystaryn júrgizý úshin Astananyń aimaqtyq elektr jelisi kompaniiasynyń qyzmeti shaqyryldy. Osydan keiin órt sóndirýshiler qyzyl jalyndy sóndirýge kiristi. Saǵat 17-54-de órt oqshaýlanyp, 18-05-te tolyǵymen sóndirildi. Zardap shekkender men qaza tapqandar joq», - dep atap ótedi vedomstvodan.
