Foto: Konstitýtsiialyq sot baspasóz qyzmeti
Elordada Konstitýtsiialyq reforma jónindegi komissiianyń alǵashqy otyrysy ótip jatyr, dep habarlaidy Ult.kz.
Komissiia jumysyna Konstitýtsiialyq sottyń tóraǵasy Elvira Azimova jetekshilik etedi.Onyń orynbasarlary – Memlekettik keńesshi Erlan Qarin men Premer-ministrdiń orynbasary – Mádeniet jáne aqparat ministri Aida Balaeva.
Komissiia quramyna Parlament depýtattary, máslihat tóraǵalary, qoǵam qairatkerleri, sarapshylar men BAQ ókilderi jáne ǵylymi qoǵamdyq orta ókilderi kirgen.
"2025 jylǵy 8 qyrkúiekte Prezident "Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý" atty halyqqa Joldaýynda jasandy intellekt dáýirinde elimizdiń áleýmettik-ekonomikalyq damýyna eleýli oń yqpal etetin jańa saiasi reformany jariialady.
Memleket basshysy "Kúshti Prezident – yqpaldy Parlament – esep beretin Úkimet" tujyrymdamasy negizinde elimizde bir palataly Parlament qurý bastamasyn kóterdi.
Ózderińizge belgili, parlamenttik reformany ázirleý jónindegi jumys toby 2025 jylǵy qazan aiynan bastap belsendi jumys atqardy. Onyń quramyna belgili zańgerler men sarapshylar, saiasi partiialar jáne qoǵamdyq uiymdardyń ókilderi kirdi. Osy ýaqyt aralyǵynda jumys toby barlyq usynymdardy muqiiat zerdelep, júieledi, sondai-aq azamattardan kelip túsken usynystardy jan-jaqty taldady.
Azamattar óz usynystarynda tek bir palataly Parlament máselesin ǵana kótergen joq. Osyǵan orai, Memleket basshysy Konstitýtsiialyq reforma jónindegi komissiia qurý týraly sheshim qabyldady", – dedi Elvira Azimova.
