Elordada ótip bara jatqan kólikterge pyshaq laqtyrǵan mas adam ustaldy, dep habarlaidy "Ult aqparat".
8 maýsym kúni túngi saǵat 03.47-de pyshaq ustaǵan er adam Abai dańǵyly men Ianýshkeevich kóshesi qiylysyndaǵy jedel basqarma ortalyǵynyń beinebaqylaý kamerasyna túsip qalǵan.
Jigit jol boiymen kele jatyp, pyshaqty qairap, avtokólikke ala júgirgen. JBO qyzmetkerleri osy mekenjaiǵa dereý avtopatrýl jiberdi.
Oqiǵa ornyna jetken politsiia qyzmetkerleri onyń pyshaǵyn alyp, Baiqońyr aýdandyq politsiia bólimine jetkizdi. Ol 29 jastaǵy qala turǵyny bolyp shyqty. Oqiǵa ornynan pyshaq pen qairaq alyndy.
Atalǵan fakti boiynsha QR QK 293-baby boiynsha sotqa deiingi tergeý júrip jatyr.
