Elorda ákiminiń orynbasary Málika Bekturova qoǵamdyq oryndarǵa barmai-aq qyzmetterdi onlain alýǵa bolatynyn málim etti, dep habarlaidy "Ult aqparat".
«Qurmetti turǵyndar, elimizde koronavirýstyń taralmaýy jónindegi arnaiy sharalardyń qabyldanýyna bailanysty qoǵamdyq oryndarǵa barýdan aýlaq bolý usynylady. Sondyqtan sizge keibir qyzmetterdi onlain alýǵa bolatyndyǵyn eskertemiz», dep jazdy M. Bekturova Telegram-daǵy paraqshasynda.
iqala.kz portalynda úiden shyqpai-aq jaryq, sý, elektr, telefon jáne qyzmetterdiń 100-den astam túrin qosý boiynsha kelisimshartqa qol qoiýǵa bolady.
«Sonymen qatar siz lift pen kólik kartasyn tolyqtyra alasyz, kommýnaldyq qyzmetterge aqy tólei alasyz, kólik salyǵyn eseptei alasyz, sý eseptegishterdiń kórsetkishterin tekserip, qaiyrymdylyqqa salym jasai alasyz, sonymen qatar Smart Astana qosymshasynda karantinge qatysty barlyq aqparatty ala alasyz.
e.astana.kz portalynda onlain rejimde balany kezekke qoiýǵa nemese onyń qozǵalysyn qadaǵaýǵa, PMPK emtihanyna tirkelýge nemese balabaqshadan oryn alýǵa bolady», dep jazdy qala ákiminiń orynbasary.
Onyń aitýynsha, turǵyndar tsifrlyq qyzmetterdi paidalanyp, ózine jáne jaqyndaryna qamqorlyq jasaýy kerek, qoǵamdyq oryndarǵa barýdy barynsha azaitýy tiis.
