ەلوردا ەكٸمٸنٸڭ ورىنباسارى مەليكا بەكتۇروۆا قوعامدىق ورىندارعا بارماي-اق قىزمەتتەردٸ ونلاين الۋعا بولاتىنىن مەلٸم ەتتٸ, دەپ حابارلايدى "ۇلت اقپارات".
«قۇرمەتتٸ تۇرعىندار, ەلٸمٸزدە كوروناۆيرۋستىڭ تارالماۋى جٶنٸندەگٸ ارنايى شارالاردىڭ قابىلدانۋىنا بايلانىستى قوعامدىق ورىندارعا بارۋدان اۋلاق بولۋ ۇسىنىلادى. سوندىقتان سٸزگە كەيبٸر قىزمەتتەردٸ ونلاين الۋعا بولاتىندىعىن ەسكەرتەمٸز», دەپ جازدى م. بەكتۇروۆا Telegram-داعى پاراقشاسىندا.
iqala.kz پورتالىندا ٷيدەن شىقپاي-اق جارىق, سۋ, ەلەكتر, تەلەفون جەنە قىزمەتتەردٸڭ 100-دەن استام تٷرٸن قوسۋ بويىنشا كەلٸسٸمشارتقا قول قويۋعا بولادى.
«سونىمەن قاتار سٸز ليفت پەن كٶلٸك كارتاسىن تولىقتىرا الاسىز, كوممۋنالدىق قىزمەتتەرگە اقى تٶلەي الاسىز, كٶلٸك سالىعىن ەسەپتەي الاسىز, سۋ ەسەپتەگٸشتەردٸڭ كٶرسەتكٸشتەرٸن تەكسەرٸپ, قايىرىمدىلىققا سالىم جاساي الاسىز, سونىمەن قاتار Smart Astana قوسىمشاسىندا كارانتينگە قاتىستى بارلىق اقپاراتتى الا الاسىز.
e.astana.kz پورتالىندا ونلاين رەجٸمدە بالانى كەزەككە قويۋعا نەمەسە ونىڭ قوزعالىسىن قاداعاۋعا, پمپك ەمتيحانىنا تٸركەلۋگە نەمەسە بالاباقشادان ورىن الۋعا بولادى», دەپ جازدى قالا ەكٸمٸنٸڭ ورىنباسارى.
ونىڭ ايتۋىنشا, تۇرعىندار تسيفرلىق قىزمەتتەردٸ پايدالانىپ, ٶزٸنە جەنە جاقىندارىنا قامقورلىق جاساۋى كەرەك, قوعامدىق ورىندارعا بارۋدى بارىنشا ازايتۋى تيٸس.
