Karantin saldarynan Nur-Sultan qalasynda qoǵamdyq kóliktiń júrý kestesi ózgeredi, dep habarlaidy "Ult aqparat" CTS kompaniiasyna silteme jasap.
Kompaniia málimetinshe, Nur-Sultan qalasynda koronavirýs infektsiiasynyń taralýyna qarsy jedel shtab sheshimimen 2020 jylǵy 26 naýryzdan bastap qoǵamdyq kóliktiń jumys kestesi ózgeredi. Avtobýstardyń jumys kestesi endi 21:00-ge deiin emes, 19:00-ge deiin bolady.
Sonymen qatar, 28 naýryzdan bastap karantindik aimaqqa kiretin qala mańyndaǵy barlyq baǵyttar toqtatylady. Olar: Qosshy, Taitóbe, Jibek Joly, Talapker, Qoiandy, Qyzylsýat, Y. Altynsarin, Nurly aýyldary (№№ 301, 302, 303, 304, 306, 307, 313, 314, 319, 320, 321, 322, 326).
Oǵan deiin, 21 naýryzdan bastap karantin aimaǵyna kirmeitin qala mańyndaǵy Aqmol, Qabanbai batyr, R. Qoshqarbaev, Maksimovka, Vozdvijenka, Arshaly, Jaltyrkól, Sofievka, Malotimofeevka jáne Shubar (№№ 300, 305, 308, 309, 310, 311, 312, 315, 316, 317 jáne 318) aýyldaryna júretin avtobýstar toqtatyldy.
Shekteý sharalary men ózgerister karantin aiaqtalǵanǵa deiin engiziledi.
«Búgingi kúni avtobýsta qolma-qol aqysyz tólem jasaý - 98 paiyz. COVID-19 juqtyrý qaýpin azaitý maqsatynda jolaýshylarǵa aqysyz tólemge ótýge keńes beriledi. Barlyq tarif josparlaryn jáne kólik kartalaryn bizdiń kassalarymyzdan, RTVM-avtomattarynan, lezde toltyrý pýnkterinen jáne City Transportation Systems qashyqtyq servisterinen tolyqtyrýǵa bolady. Qashyqtan toltyrý oryndaryn, sonymen qatar SMS jáne QR talaptary www.transcard.kz saitynda kórsetilgen. Karantin qatańdatylǵan jaǵdaida Nur-Sultan qalasynda koronavirýs juqpasyna qarsy jedel shtab qoǵamdyq kólikti tolyqtai toqtatý týraly máseleni kóterýi múmkin», - dep atap ótedi kompaniiadan.
