Elordada 26 jeltoqsannan bastap qalanyń bas sanitarlyq dárigeri Janna Pirálievanyń qaýlysymen kinoteatrlardyń sanitarlyq-epidemiologiialyq normalarǵa sai jumys isteýine ruqsat berildi, dep habarlaidy "Ult aqparat".
«Oryndar sanyn 30 paiyzdan asyrmai, kórermenderdi eki oryn saiyn jáne qatar boiynsha shahmat tártibimen otyrǵyzý arqyly, kúsheitilgen sanitarlyq-epidemiologiialyq normalardy saqtai otyryp kinoteatrlardyń jumys jasaýyna ruqsat etiledi. Kinoteatrlar jumys, demalys jáne mereke kúnderi saǵat 10:00-den 24:00-ge deiin jumys isteidi. Aktsiialar ótkizilmeidi. Eger karantin jáne shekteý sharalaryn buzý faktisi anyqtalsa, kinoteatrlardyń jumysy toqtatylady», - dedi qalanyń bas sanitarlyq dárigeri Janna Pirálieva.
Elorda ákimdigi baspasóz qyzmetiniń málimetinshe, sonymen qatar mereke qarsańynda meiramhanalardyń, kafelerdiń, barlardyń, ashanalardyń jumys ýaqyty úlken kezekter týyndaýyna jol bermeý maqsatynda saǵat 00.00-ge deiin uzartylady. Bul rette ǵimarat ishinde 30 orynnan artyq bolmaýy, sanitarlyq-epidemiologiialyq, sanitarlyq-profilaktikalyq sharalardyń saqtalýy, ústelder arasynda keminde 2 metr áleýmettik araqashyqtyq saqtalýy, ár ústelge 4-6 adamnan artyq otyrǵyzylmaýy kerek.
Bul qaýly turǵyn úilerde ornalasqan nysandarǵa qatysty emes. Olardyń jumys ýaqyty - saǵat 22:00-ge deiin.
Oiyn-saýyq, sporttyq jáne basqa da buqaralyq is-sharalardy, onyń ishinde jańajyldyq erteńgilikterdi, korporativterdi ótkizýge tyiym salyndy.
Karantin jáne shekteý sharalary buzylǵan jaǵdaida nysandar qyzmeti toqtatylady.
