Nur-Sultan qalasynyń bas sanitarlyq dárigeri Janna Pralievanyń sheshimimen elordalyq HQO-lardyń jumys kestesi ózgerdi, dep habarlaidy "Ult aqparat" «Azamattarǵa arnalǵan úkimet» MK» Nur-Sultan qalasy boiynsha filialynyń baspasóz qyzmetine silteme jasap.
Búginnen bastap Nur-Sultan qalasyndaǵy HQO-lar qyzmet alýshylardy jumys kúnderi 09.00-den 17.00-ge deiin qabyldaidy. Al mamandandyrylǵan HQO senbi kúni qosymsha 09.00-den 16.00-ge deiin jumys isteitin bolady.
Jańa jumys ýaqytyna bailanysty HQO-ǵa kezekti 16.30-ǵa deiin (avto HQO-ǵa senbi kúni 15.30-ǵa deiin) brondaý qajet.
Qyzmet alýshylar HQO-ǵa kelýin egov.kz portalyndaǵy arnaiy servis, eGovKzBot2.0 telegram-boty jáne 1414 nómiri arqyly brondai alady.
«Azamattarǵa arnalǵan úkimet» memlekettik korporatsiiasynyń bólimderinde sanitarlyq-epidemiologiialyq, áleýmettik qashyqtyq jáne betperde tártibi qatań saqtalǵan. Alaida qyzmet alýshylar ózderin jaisyz sezinip nemese syrqat belgilerin baiqasa, HQO-ǵa barýdan bas tartýǵa keńes beremiz.
Qyzmet alýshy azamattar arnaiy meditsinalyq betperde taǵyp, áleýmettik araqashyqtyqty saqtaýy qajet.
