Nur-Sultan qalasynda «Migrant» jedel-aldyn alý sharasyn ótkizý barysynda Resei Federatsiiasynyń 36 jastaǵy azamaty ustaldy, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Ustalǵan er adam 2015 jyly Ingýshetiia Respýblikasynyń aýmaǵynda tonaýshylyq jasaǵany úshin aiyptalyp otyr.
Túngi ýaqytta bir top adam Nazran qalasyndaǵy 52 jastaǵy turǵynnyń úiine basyp kirip, oǵan kúsh qoldanamyz dep qorqytyp, úiin tonap ketken.
Qara kiim kiip, betin búrkegen shamamen alty adamnan turatyn qylmyskerler tobynyń qolynda qarý-jaraq bolǵan.
Olar jábirlenýshiniń 3 mln 600 myń rýbl kóleminde aqshasyn, altyn buiymdar, baǵaly zattaryn alyp, oqiǵa ornynan izin jasyrǵan.
Atalǵan fakti boiynsha Reseidiń Ingýshetiia Respýblikasy IIM RF Qylmystyq kodeksiniń 162-babymen (tonaýshylyq) qylmystyq is qozǵady.
Ustalǵan azamatqa 2017 jyldan beri memleketaralyq izdeý jariialanǵan.
Er adamnyń Qazaqstanǵa 2015 jyldyń qazan aiynda kelip, sol kezden beri alys týysynyń qolynda beiresmi jumys istegeni anyqtaldy.
