نۇر-سۇلتان قالاسىندا «ميگرانت» جەدەل-الدىن الۋ شاراسىن ٶتكٸزۋ بارىسىندا رەسەي فەدەراتسيياسىنىڭ 36 جاستاعى ازاماتى ۇستالدى, دەپ حابارلايدى "ۇلت اقپارات" نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۇستالعان ەر ادام 2015 جىلى ينگۋشەتييا رەسپۋبليكاسىنىڭ اۋماعىندا توناۋشىلىق جاساعانى ٷشٸن ايىپتالىپ وتىر.
تٷنگٸ ۋاقىتتا بٸر توپ ادام نازران قالاسىنداعى 52 جاستاعى تۇرعىننىڭ ٷيٸنە باسىپ كٸرٸپ, وعان كٷش قولدانامىز دەپ قورقىتىپ, ٷيٸن توناپ كەتكەن.
قارا كيٸم كيٸپ, بەتٸن بٷركەگەن شامامەن التى ادامنان تۇراتىن قىلمىسكەرلەر توبىنىڭ قولىندا قارۋ-جاراق بولعان.
ولار جەبٸرلەنۋشٸنٸڭ 3 ملن 600 مىڭ رۋبل كٶلەمٸندە اقشاسىن, التىن بۇيىمدار, باعالى زاتتارىن الىپ, وقيعا ورنىنان ٸزٸن جاسىرعان.
اتالعان فاكتٸ بويىنشا رەسەيدٸڭ ينگۋشەتييا رەسپۋبليكاسى ٸٸم رف قىلمىستىق كودەكسٸنٸڭ 162-بابىمەن (توناۋشىلىق) قىلمىستىق ٸس قوزعادى.
ۇستالعان ازاماتقا 2017 جىلدان بەرٸ مەملەكەتارالىق ٸزدەۋ جارييالانعان.
ەر ادامنىڭ قازاقستانعا 2015 جىلدىڭ قازان ايىندا كەلٸپ, سول كەزدەن بەرٸ الىس تۋىسىنىڭ قولىندا بەيرەسمي جۇمىس ٸستەگەنٸ انىقتالدى.
