Elordada halyq kóp jinalatyn oryndarda turǵyndarǵa vaktsina salý pýnktteri ashylady. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aityp berdi, dep habarlaidy "Ult aqparat".
«Qalada 100 egý kabinetinde vaktsinalaýǵa jatatyn kontingentterdi qamtý jumysy jalǵasýda, onyń ishinde «Mega Silk Way» jáne «Han shatyr» saýda-oiyn ortalyqtarynda egý pýnktteri ashyldy, sondai-aq basqa da saýda-oiyn ortalyqtary men saýda úilerinde ashý josparda qaralýda. Qazirgi ýaqytta adam kóp jinalatyn jerlerde qosymsha egý kabinetterin ashý boiynsha daiyndyq jumystary júrýde. Jaqyn arada mundai pýnktter «Kerýen» saýda-oiyn-saýyq ortalyǵy men «Ábý-Dabi Plaza» kesheninde de ashylady», - dedi S. Beisenova elorda ákimdiginde ótken brifingide.
Spikerdiń aitýynsha, saýda-oiyn-saýyq ortalyqtarynda da meditsina uiymdary sekildi barlyq sanitariialyq-epidemiologiialyq talaptar saqtalady.
«Bul talaptar – bólme jiyntyǵy, jaraqtandyrý, jyljymaly egý pýnktterin aimaqtarǵa bólý jáne t.b. Qazirgi ýaqytta departament mamandary osy máselelerdiń barlyǵyn pysyqtap jatyr», - dedi spiker.
