Elordada «Keruen» men «Ábý-Dabi Plazada» COVID-19-ǵa qarsy vaktsinatsiia pýnktteri ashyldy, dep habarlaidy "Ult aqparat" qala ákimdigine silteme jasap.
Eki apta buryn saýda ortalyǵyndaǵy alǵashqy egý pýnkti «Mega Silk way»-da ashylǵan. Al 19 sáýirden bastap «Han Shatyr» SOO-da vaktsina qabyldaý múmkindigi jasaldy.
«Saýda-oiyn saýyq ortalyqtarynda vaktsinatsiialaý jumysyn uiymdastyrý jaqsy tájiribe kórsetip otyr. Osy arqyly qala turǵyndaryn qamtý kórsetkishi artyp keledi. Alǵashqy ýaqytta turǵyndar vaktsinatsiiadan úreilense, qazir jaǵdai kerisinshe, jurt vaktsina alǵandar qataryn belsendi túrde tolyqtyrýda. Mysaly, «Mega Silk way»-da meditsina qyzmetkerleri 2 100-den astam adamdy vaktsinatsiialady. Bul bir ǵana ortalyqtyń kórsetkishi», — deidi Qoǵamdyq densaýlyq saqtaý basqarmasy basshysynyń orynbasary Áliia Rústemova.
«Keruen» jáne «Ábý-Dabi Plazadaǵy» jumys ýaqyty aldyńǵy eki ortalyqqa uqsas, iaǵni saǵat 10:00-den 22:00-ge deiin.
Halyqty vaktsinatsiialaýmen keńinen qamtý úshin qala ákimi Altai Kólginovtiń tapsyrmasy boiynsha egý pýnktteriniń sany 36-dan 100-ge deiin, sondai-aq jumys ýaqyty 08:00-den 00:00-ge deiin, SOO-larda 10:00-den 22:00-ge deiin uzartyldy.
Elordalyqtar COVID-19 vaktsinasyn alýǵa belsendi túrde niet bildirgendikten Qoǵamdyq densaýlyq saqtaý basqarmasy eńbek ujymdaryn jappai vaktsinatsiialaý úshin kóshpeli brigadalar uiymdastyrady. Túrli kásiporyndarda KVI-ǵa qarsy vaktsina alǵysy keletinderdiń sany 1000 adamǵa jetedi.
Búgingi kúni qala boiynsha 75 myńǵa jýyq adam vaktsinatsiialandy.
