Táýelsizdik merekesi qarsańynda elordalyq qazynashylyq qyzmetkerleri fleshmob uiymdastyrdy, dep habarlaidy "Ult aqparat".
Elimizge degen shynaiy súiispenshilik sezimderin bildire otyryp, Qazaqstan Respýblikasynyń Táýelsizdigi merekesiniń qurmetine orai elordalyq qazynashylyq qyzmetkerleri fleshmob uiymdastyrdy. Olar fleshmob arqyly Qazaqstannyń egemendi halqy, beibit ári kelisimde ómir súrýi úshin óskeleń urpaqqa olardy odan ári saqtaý, damytý, nyǵaitý úshin tabystaýǵa táýelsizdigimizdiń negizgi igilikterin sipattady.
Qazaqstannyń Táýelsizdigi qazaq eli men ult tarihynda, qazaq halqynyń dańqty jylnamasynda erekshe tarih betteri bolyp qala bermek. Memlekettiń egemendik alýy – búginde eńsesi biik táýelsiz el bolý úshin aldyńǵy urpaqtyń talai qiyndyqty bastan keshirip, moiymai ótkergen erliginiń nátijesi. Qazirgi urpaq zamanaýi Qazaqstannyń qurylýy siiaqty osynaý dáýirlik ári aiyryqsha oqiǵanyń kýágeri bolyp otyr. Osy jyldary elimizdiń damýynda orasan zor qarqyndy serpilis boldy.
Táýelsiz Qazaqstan jyldary elimiz tar jol taiǵaq keshý jyldaryn basynan ótkize otyryp, qiyndyqtardy basynan keshire otyryp, sonaý biikterdi baǵyndyryp, bizdiń elimiz el arasynda tynyshtyqty, turaqtylyqty, halqymyzdyń kelisimi men birligin, mádeni qundylyqtaryn saqtai bildi, sonymen qatar táýelsiz elimizdiń nyshany astanany saldy. Qazaqstanda táýelsiz Otanymyzdyń qasietti sipatyn kórsetetin elimizdiń myzǵymas negiziniń biri - egemendigin bildiretin memlekettik rámizder bekitildi. Mine, osy erekshelikti elimiz egemendik jariialaǵan kúnnen bastap qol jetkizgen basty igiligi dep sanaýǵa bolady.
