Búgin elordada QR Premer-Ministriniń orynbasary – Syrtqy ister ministri Muhtar Tileýberdi men Majarstan Syrtqy ekonomikalyq bailanystar jáne syrtqy ister ministri Peter Siiarto kelissózder ótkizdi, dep habarlaidy QazAqparat.
Kelissózder qorytyndysy boiynsha úsh qujatqa qol qoiyldy.
Atap aitqanda, QR Syrtqy ister ministrligi janyndaǵy Syrtqy saiasi zertteýler institýty men Majarstannyń Syrtqy ekonomikalyq balanystar jáne syrtqy ister institýty arasyndaǵy ózara túsinistik týraly memorandým bekitildi.
Sonymen qatar Damýǵa resmi kómek salasyndaǵy yntymaqtastyq boiynsha eki eldiń syrtqy saiasi vedomstvolary arasyndaǵy ózara túsinistik týraly memorandýmǵa qol qoiyldy.
Munymen qosa, QR Mádeniet jáne sport ministrligi men Majarstannyń Adami resýrstar ministrligi arasyndaǵy 2021-2023 jyldarǵa arnalǵan mádeniet salasyndaǵy ózara yntymaqtastyq baǵdarlamasyna da qol qoiyldy.
