Elordalyq politseiler «Realnye dohody» atty eki qarjy piramidasyn uiymdastyrýshylarynyń birin ustady, dep habarlaidy "Ult aqparat" Nur-Sultan qalasy politsiia departamentine silteme jasap.
45 jastaǵy áielge qatysty qarjy piramidasyn uiymdastyrdy degen kúdikpen qylmystyq is qozǵaldy. Ol 2019 jyldyń mamyrynan bastap qarjy piramidasyn basqaryp, elorda turǵyndary men elimizdiń basqa óńirleriniń azamattarynan alaiaqtyq jolmen asa iri kólemde aqsha alǵan.
Anyqtalǵandai, kúdikti WhatsApp messendjerinde «Realnye dohody 1» jáne «Realnye dohody 2» atty eki chat ashyp, salymshylarǵa basqa biznes jobalarda joǵaltqan aqshasyn qaitarýǵa ýáde etken. Adamdar 20 myń jáne odan da kóp kólemde aqsha salyp, 15 kúnniń ishinde tabysyn 100% qaitaryp alýǵa úmittengen.
Qazirgi ýaqytta politsiiaǵa 40-tan astam zardap shekken salymshy shaǵym túsirgen.
Sotqa deiingi tergeý barysynda alaiaqtyń áreketinen elimizdi ártúrli óńirinde turatyn 300-den astam adamnyń zardap shekkeni anyqtaldy.
Atalǵan fakti boiynsha QR QK 217-baby boiynsha sotqa deiingi tergeý jumystary júrip jatyr, kúdikti tergeý izoliatoryna qamaldy.
