Elordada taksi júrgizýshisi qarsy bettegi jolaqqa shyǵyp ketkeni úshin ustaldy, dep habarlaidy "Ult aqparat" Nur-Sultan qalalyq PD baspasóz qyzmetine silteme jasap.
Apattyq jaǵdai týǵyzǵan taksi júrgizýshisi qalyń kólik aǵynynan shyǵyp, qarsy jolaqpen júre bergen. Jol qozǵalysy erejesin buzý faktisi avtokólik Dostyq kóshesi jaǵynan Turan dańǵylymen kele jatqanda beinebaqylaý kamerasyna tirkelgen.
Patrýldik politsiia qyzmetkerleri «Kia Rio» avtokóliginiń júrgizýshisin ustady.
Qarsy jolaqqa shyqqany úshin ákimshilik is qozǵaldy, taksi júrgizýshisine qatysty jinalǵan material Nur-Sultan qalasynyń ákimshilik sotyna jiberildi.
Mundai zańbuzýshylyq úshin júrgizýshiler ákimshilik zańnamaǵa sáikes 6 aiǵa deiin júrgizýshi kýáliginen aiyrylýy múmkin.
Aita keteiik, 20-22 qańtar aralyǵynda elorda aýmaǵynda jedel aldyn alý sharasy ótkizildi.
Qoǵamdyq kólik jolaýshylaryna qolaisyzdyq týǵyzbas úshin, qoǵamdyq kólik júrgizýshileriniń jol qozǵalysy erejelerin buzý faktilerin PD Jedel basqarý ortalyǵynyń beinekameralary anyqtady.
Uialy telefonmen sóilesý, qaýipsizdik beldigin taqpaý, manevr jáne qarsy qozǵalys jolaǵyna shyǵý siiaqty zań buzýshylyqtar tirkelgen.
Jedel aldyn alý sharasyn ótkizýdiń 3 kúninde ákimshilik jaýapkershilikke 500 avtobýs pen taksi júrgizýshisi tartyldy.
Shara barysynda avtobýs júrgizýshileri reis aldyndaǵy meditsinalyq tekserýden ótedi, júrgizýshilerdiń eńbek jáne demalys rejimin saqtaýy tekseriledi.
