Kámeletke tolmaǵan jasóspirimder arasyndaǵy quqyqbuzýshylyq pen qylmystyń aldyn alý maqsatynda elorda politseileri turaqty túrde tekseris júrgizip turady, dep habarlaidy "Ult aqparat" Nur-Sultan qalalyq Politsiia departamentiniń baspasóz qyzmetine silteme jasap.
Tártip saqshylary jumadan senbige qaraǵan túni Qabanbai batyr kóshesinde karantin erejesin buzyp, túnde jumys istep jatqan «CYBER STRONG» kompiýter klýbyn anyqtady. Tekseris kezinde klýbta 60 adam bolǵan, onyń 3-ýi kámelet jasyna tolmaǵan.
Kámeletke tolmaǵandardyń túngi ýaqytta oiyn-saýyq mekemesinde bolǵany nemese zańdy ókilderinsiz júrýi úshin úsh jasóspirimniń ata-anasy QR ÁQBtK-tiń 442-baby 1-tarmaǵy boiynsha ákimshilik jaýapqa tartyldy.
Sondai-aq jasóspirimderdi oiyn-saýyq mekemesine kirgizgeni úshin kompiýter klýbynyń ákimshisi de QR ÁQBtK-tiń 132-baby boiynsha ákimshilik jaýapqa tartyldy.
Kompiýter klýbynyń iesine qatysty QR ÁQBtK-niń 425-baby «karantin rejimin buzý» áreketi boiynsha ákimshilik jaýapqa tartý úshin material jinalyp, Taýarlar men kórsetiletin qyzmetterdiń sapasyn baqylaý basqarmasyna joldandy.
Politsiia kámeletke tolmaǵandarǵa túngi ýaqytta oiyn-saýyq mekemelerinde 22:00-den 6:00-ge deiin, al zańdy ókilderiniń erip júrýinsiz turǵyn úiden tys jerde 23:00-den 6:00-ge deiin bolýǵa tyiym salynǵanyn eskertedi.
