كەمەلەتكە تولماعان جاسٶسپٸرٸمدەر اراسىنداعى قۇقىقبۇزۋشىلىق پەن قىلمىستىڭ الدىن الۋ ماقساتىندا ەلوردا پوليتسەيلەرٸ تۇراقتى تٷردە تەكسەرٸس جٷرگٸزٸپ تۇرادى, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
تەرتٸپ ساقشىلارى جۇمادان سەنبٸگە قاراعان تٷنٸ قابانباي باتىر كٶشەسٸندە كارانتين ەرەجەسٸن بۇزىپ, تٷندە جۇمىس ٸستەپ جاتقان «CYBER STRONG» كومپيۋتەر كلۋبىن انىقتادى. تەكسەرٸس كەزٸندە كلۋبتا 60 ادام بولعان, ونىڭ 3-ۋٸ كەمەلەت جاسىنا تولماعان.
كەمەلەتكە تولماعانداردىڭ تٷنگٸ ۋاقىتتا ويىن-ساۋىق مەكەمەسٸندە بولعانى نەمەسە زاڭدى ٶكٸلدەرٸنسٸز جٷرۋٸ ٷشٸن ٷش جاسٶسپٸرٸمنٸڭ اتا-اناسى قر ەقبتك-تٸڭ 442-بابى 1-تارماعى بويىنشا ەكٸمشٸلٸك جاۋاپقا تارتىلدى.
سونداي-اق جاسٶسپٸرٸمدەردٸ ويىن-ساۋىق مەكەمەسٸنە كٸرگٸزگەنٸ ٷشٸن كومپيۋتەر كلۋبىنىڭ ەكٸمشٸسٸ دە قر ەقبتك-تٸڭ 132-بابى بويىنشا ەكٸمشٸلٸك جاۋاپقا تارتىلدى.
كومپيۋتەر كلۋبىنىڭ يەسٸنە قاتىستى قر ەقبتك-نٸڭ 425-بابى «كارانتين رەجيمٸن بۇزۋ» ەرەكەتٸ بويىنشا ەكٸمشٸلٸك جاۋاپقا تارتۋ ٷشٸن ماتەريال جينالىپ, تاۋارلار مەن كٶرسەتٸلەتٸن قىزمەتتەردٸڭ ساپاسىن باقىلاۋ باسقارماسىنا جولداندى.
پوليتسييا كەمەلەتكە تولماعاندارعا تٷنگٸ ۋاقىتتا ويىن-ساۋىق مەكەمەلەرٸندە 22:00-دەن 6:00-گە دەيٸن, ال زاڭدى ٶكٸلدەرٸنٸڭ ەرٸپ جٷرۋٸنسٸز تۇرعىن ٷيدەن تىس جەردە 23:00-دەن 6:00-گە دەيٸن بولۋعا تىيىم سالىنعانىن ەسكەرتەدٸ.
