Qazirgi ýaqytta Nur-Sultan qalasyndaǵy juqpaly, pravizorlyq jáne karantindik aýrýhanalarda 1406 adam jatyr. Onyń 105-i – bala. Nur-Sultan qalasynyń qoǵamdyq densaýlyq saqtaý basqarmasynyń bacshysy Sáýle Qisyqova aitty, dep habarlaidy QazAqparat.
«Qazirgi ýaqytta Nur-Cultan qalasynda koronavirýs juqtyrǵandar sany – 107. Onyń ishinde ekeýi saýyǵyp, aýrýhanadan shyǵaryldy. 27 naýryz kúni koronavirýs juqtyrǵan taǵy 25 jaǵdai, 28 naýryz kúni 32 jaǵdai tirkeldi. Onyń 41-i buryn izoliatsiiada bolǵan adamdar. Olar qazirgi ýaqytta statsionarlyq baqylaýda. 6 jaǵdai monitoring júrgizgen kezde anyqtalǵan. 1 azamat epidemiologiialyq jaǵdaiy nashar elden kelgen bolsa, 5-eýi koronavirýs juqtyrǵandarmen bailanysta bolǵan adamdar», - Sáýle Qisyqova Habar 24 arnasynda ótken onlain brifingte.
Qazirgi ýaqytta koronavirýspen aýyratyny zerthanalyq jolmen dálildengen azamattyń bári aýrýhanada jatyr.
«Olarmen bailanysta bolǵan adamdardy anyqtaý jáne olardy oqshaýlaý jumystary bastalyp ketti. Qazirgi ýaqytta qalalyq stantsionarda jatqan koronavirýs juqtyrǵan adamdar ishinde ekeýi turaqty aýyr jaǵdaida jatyr. Olar jasandy tynys alý qurylǵysymen jatyr. Dárigerler konsiliýmy qurylyp, emdeý joldary men ádisteri engizilip jatyr. Olar koronavirýstyq infektsiia hattamasy boiynsha em alýdy jalǵastyrýda. Qalǵan naýqastardyń jaǵdaiy qanaǵattanarlyq. Olar da em alyp jatyr», - deidi ol.
