قازٸرگٸ ۋاقىتتا نۇر-سۇلتان قالاسىنداعى جۇقپالى, پراۆيزورلىق جەنە كارانتيندٸك اۋرۋحانالاردا 1406 ادام جاتىر. ونىڭ 105-ٸ – بالا. نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باcشىسى سەۋلە قيسىقوۆا ايتتى, دەپ حابارلايدى قازاقپارات.
«قازٸرگٸ ۋاقىتتا نۇر-Cۇلتان قالاسىندا كوروناۆيرۋس جۇقتىرعاندار سانى – 107. ونىڭ ٸشٸندە ەكەۋٸ ساۋىعىپ, اۋرۋحانادان شىعارىلدى. 27 ناۋرىز كٷنٸ كوروناۆيرۋس جۇقتىرعان تاعى 25 جاعداي, 28 ناۋرىز كٷنٸ 32 جاعداي تٸركەلدٸ. ونىڭ 41-ٸ بۇرىن يزولياتسييادا بولعان ادامدار. ولار قازٸرگٸ ۋاقىتتا ستاتسيونارلىق باقىلاۋدا. 6 جاعداي مونيتورينگ جٷرگٸزگەن كەزدە انىقتالعان. 1 ازامات ەپيدەميولوگييالىق جاعدايى ناشار ەلدەن كەلگەن بولسا, 5-ەۋٸ كوروناۆيرۋس جۇقتىرعاندارمەن بايلانىستا بولعان ادامدار», - سەۋلە قيسىقوۆا حابار 24 ارناسىندا ٶتكەن ونلاين بريفينگتە.
قازٸرگٸ ۋاقىتتا كوروناۆيرۋسپەن اۋىراتىنى زەرتحانالىق جولمەن دەلٸلدەنگەن ازاماتتىڭ بەرٸ اۋرۋحانادا جاتىر.
«ولارمەن بايلانىستا بولعان ادامداردى انىقتاۋ جەنە ولاردى وقشاۋلاۋ جۇمىستارى باستالىپ كەتتٸ. قازٸرگٸ ۋاقىتتا قالالىق ستانتسيوناردا جاتقان كوروناۆيرۋس جۇقتىرعان ادامدار ٸشٸندە ەكەۋٸ تۇراقتى اۋىر جاعدايدا جاتىر. ولار جاساندى تىنىس الۋ قۇرىلعىسىمەن جاتىر. دەرٸگەرلەر كونسيليۋمى قۇرىلىپ, ەمدەۋ جولدارى مەن ەدٸستەرٸ ەنگٸزٸلٸپ جاتىر. ولار كوروناۆيرۋستىق ينفەكتسييا حاتتاماسى بويىنشا ەم الۋدى جالعاستىرۋدا. قالعان ناۋقاستاردىڭ جاعدايى قاناعاتتانارلىق. ولار دا ەم الىپ جاتىر», - دەيدٸ ول.
