Elordada karantin talaptaryn saqtaý jáne koronavirýs infektsiiasynyń taralýyna jol bermeý úshin mobildi toptar reid júrgizip jatyr, dep habarlaidy "Ult aqparat" qala ákimdigine silteme jasap.
Erejelerdi elemeitinderdi politseiler, eriktiler, taýarlar men kórsetilgen qyzmetterdiń sapasy men qaýipsizdigin baqylaý basqarmasynyń, aýdandyq ákimdikterdiń ókilderi anyqtaidy.
26 qazan men 1 qarasha aralyǵynda mobildik toptar Almaty aýdanynda – 61, Baiqońyr aýdanynda – 49, Esil aýdanynda – 57, Saryarqa aýdanynda – 33 zań buzý tirkeldi.
Tekserýshiler atap ótkendei, buǵan deiin ákimshilik jaýapkershilikke tartylǵan birqatar ShOB sýbektisi kemshilikti qaitalaǵan. Jii kezdeseti - ujymdyq jáne otbasylyq merekelerdi ótkizý, jumys rejimin saqtamaý.
Máselen, 30 qazanda saǵat 23:37-de «BHB» túngi klýbyna politseiler júrgizgen tekserýde 500-ge jýyq adam bolǵan.
«Kelgen klientter men qyzmetkerler baiqalmai qalamyz dep úmittenip, esikti jaýyp alǵan. Klýbta jarty myńdai adam kóńil kótergen jáne eshkim betperde men áleýmettik qashyqty saqtamaǵan», - deidi politsiia qyzmetkerleri.
31 qazan kúni «Shańyraq» meiramhanasynda toi ótkizildi. Merekede 60 adam bolǵan.
Sol kúni saǵat 23:41-de mobildi top sanitarlyq normany saqtamai jumys istegen «Quartet» karaoke klýbyn anyqtady. Klýbqa 80-ge jýyq adam kelgen.
Sondai-aq, mobildi toptar «Sálem» bazaryna qatysty materialdar jinady. Bas sanitarlyq dárigerdiń buiryǵyna qaramastan, nysan ákimshilik demalys kúni bazardy ashyp qoiǵan.
Avtokólik jýý oryndaryna,tigin sheberhanalaryna jáne basqalarǵa da eskertý jasaldy. Barlyq derekter boiynsha materialdar Nur-Sultan qalasynyń taýarlar men kórsetilgen qyzmetterdiń sapasy men qaýipsizdigin baqylaý basqarmasyna joldandy.
1 qarashadaǵy jaǵdai boiynsha aýdandyq politsiia basqarmalarynan 1 781 material kelip tústi. 779 jeke jáne zańdy tulǵa jalpy somasy 161 727 378 teńge bolatyn ákimshilik jaýapkershilikke tartyldy.
Búgingi kúni jalpy somasy 129 781 525 teńge bolatyn 613 ákimshilik aiyppul tólendi.
