Elordada karantin merzimi uzartylyp, birqatar nysannyń jumys ýaqyty ózgerdi, dep habarlaidy "Ult aqparat".
«Qala turǵyndary arasynda koronavirýs infektsiiasymen aýyratyndar sanynyń ósýine bailanysty Nur-Sultan qalasynda 19 shildede saǵat 00.00-den bastap 2 tamyzda saǵat 00.00-ge deiin qatań shekteý karantindik sharalary uzartylsyn», delingen elordanyń Bas memlekettik sanitarlyq dárigeri J. Pirálievanyń qaýlysynda.
19 shildeden bastap 2 tamyzǵa deiin qalada birqatar nysannyń jumys ýaqyty ózgeredi:
Demalys kúni (dalada) ótkiziletin aýyl sharýashylyǵy jármeńkesi men azyq-túlik jármeńkesiniń jumysy saǵat 9.00-den 17.00-ge deiin;
Tamaq ónimderin satatyn azyq-túlik dúkenderiniń (shaǵyn market, sýpermarket, gipermarket) jumysy saǵat 9.00-den 21.00-ge deiin;
Turǵyn úilerde ornalasqan tamaq ónimderin satatyn dúkender jumys jáne demalys kúnderi saǵat 9.00-den 22.00-ge deiin;
Jumys kúnderi saǵat 9.00-den 17.00-ge deiin, mereke jáne demalys kúnderi jumys isteýge tyiym salynǵanyn belgilei otyryp, biznes-ortalyqtardyń (saqtandyrý kompaniialary, advokattyń, notariýstyń, býhgalter men konsaltingtiń, jyljymaityn múlik jónindegi agenttiktiń, jarnama agenttikteriniń, sot oryndaýshylarynyń jáne t. b. qyzmetteri), ekinshi deńgeidegi bankterdiń, aqsha aiyrbastaý pýnkteriniń, lombardtardyń, býkmeker keńseleriniń jumysyn uiymdastyrýǵa;
Avtojýý, avto jáne turmystyq tehnikany jóndeý qyzmetteriniń jumys jáne demalys kúnderi jumys kestesi saǵat 9.00-den 20.00-ge deiin;
Kóshedegi azyq-túliktiń ruqsat etilgen túrleri (onyń ishinde tez daiyndalatyn tamaq ónimderin, kókónis dúkenderin, balmuzdaq, kofe jáne t. b.) saýdasynyń jumysyn uiymdastyrýǵa jumys jáne demalys kúnderi jumys kestesin saǵat 10.00-den 21.00-ge deiin;
oryn sany 30-ǵa deiin bolatyn qoǵamdyq tamaqtaný nysandarynyń (kafeler, meiramhanalar) tek qana ashyq aýada jumys jáne demalys kúnderi saǵat 10.00-den 22.00-ge deiin;
Gúl satatyn dúkender jumys jáne demalys kúnderi saǵat 9.00-den 21.00-ge deiin;
SOSO-daǵy dárihanalar men shaǵyn market, sýpermarket, gipermarketterge jumys jáne demalys kúnderi saǵat 10.00-den 21.00-ge deiin jumys isteýge ruqsat beriledi.
