foto: Tengrinews.kz
Nur-Sultan taǵy da koronavirýs infektsiianyń taralý kórsetkishi boiynsha "sary" aimaqqa ótýi múmkin. Sanitar dárigerler shamaly ósim bolǵanyn jetkizdi. Jaqynda karantindi kúsheitý sharalaryn qoldaný týraly túpkilikti sheshim belgili bolady, - dep habarlaidy Sputnik Qazaqstan.
15 jeltoqsannan bastap elorda epidemiologiialyq jaǵdaidy baǵalaý matritsasynyń "jasyl" aimaǵynda tur.
Sanitarlyq-epidemiologiialyq baqylaý departamenti búginde koronavirýs infektsiiasynyń damý qarqyny boiynsha Nur-Sultan qalasynda reprodýktivti san RT-0,993-ke jetkenin habarlady. 1,0 kórsetkishine óte jaqyn, odan asyp ketken jaǵdaida qala "sary" aimaqqa kóshedi. RT reprodýktivti sany koronavirýs taralýy boiynsha aimaqtarǵa bólý talaptarynyń biri bolyp sanalady.
"17 jeltoqsanda 532 jaǵdai, 18 jeltoqsanda - 536, 19 jeltoqsanda - 521, 20 jeltoqsanda - 545 jáne 21 jeltoqsanda aptasyna 552 jaǵdai tirkelgen. Aýrýǵa shaldyǵý kórsetkishiniń ósýi baiqalady, sonyń esebinen Rt-sany artýda. Elorda bir apta boiy "jasyl" aimaqta boldy, qosymsha jeńildikter engizilýi kerek edi. Alaida turaqsyz ahýaldy eskere otyryp, merekeden keiin epidemiialyq jaǵdaidy taǵy eki kún baqylaý josparlanýda. Eger koronavirýs infektsiiasyn juqtyrý azaisa, karantin sharalary jeńildetiledi", - delingen habarlamada.
Dárigerler betperde rejimi men araqashyqtyqty saqtap, adam kóp jinalatyn jerlerge barmaýǵa keńes berdi.
