فوتو: Tengrinews.kz
نۇر-سۇلتان تاعى دا كوروناۆيرۋس ينفەكتسييانىڭ تارالۋ كٶرسەتكٸشٸ بويىنشا "سارى" ايماققا ٶتۋٸ مٷمكٸن. سانيتار دەرٸگەرلەر شامالى ٶسٸم بولعانىن جەتكٸزدٸ. جاقىندا كارانتيندٸ كٷشەيتۋ شارالارىن قولدانۋ تۋرالى تٷپكٸلٸكتٸ شەشٸم بەلگٸلٸ بولادى, - دەپ حابارلايدى Sputnik قازاقستان.
15 جەلتوقساننان باستاپ ەلوردا ەپيدەميولوگييالىق جاعدايدى باعالاۋ ماتريتساسىنىڭ "جاسىل" ايماعىندا تۇر.
سانيتارلىق-ەپيدەميولوگييالىق باقىلاۋ دەپارتامەنتٸ بٷگٸندە كوروناۆيرۋس ينفەكتسيياسىنىڭ دامۋ قارقىنى بويىنشا نۇر-سۇلتان قالاسىندا رەپرودۋكتيۆتٸ سان RT-0,993-كە جەتكەنٸن حابارلادى. 1,0 كٶرسەتكٸشٸنە ٶتە جاقىن, ودان اسىپ كەتكەن جاعدايدا قالا "سارى" ايماققا كٶشەدٸ. RT رەپرودۋكتيۆتٸ سانى كوروناۆيرۋس تارالۋى بويىنشا ايماقتارعا بٶلۋ تالاپتارىنىڭ بٸرٸ بولىپ سانالادى.
"17 جەلتوقساندا 532 جاعداي, 18 جەلتوقساندا - 536, 19 جەلتوقساندا - 521, 20 جەلتوقساندا - 545 جەنە 21 جەلتوقساندا اپتاسىنا 552 جاعداي تٸركەلگەن. اۋرۋعا شالدىعۋ كٶرسەتكٸشٸنٸڭ ٶسۋٸ بايقالادى, سونىڭ ەسەبٸنەن Rt-سانى ارتۋدا. ەلوردا بٸر اپتا بويى "جاسىل" ايماقتا بولدى, قوسىمشا جەڭٸلدٸكتەر ەنگٸزٸلۋٸ كەرەك ەدٸ. الايدا تۇراقسىز احۋالدى ەسكەرە وتىرىپ, مەرەكەدەن كەيٸن ەپيدەمييالىق جاعدايدى تاعى ەكٸ كٷن باقىلاۋ جوسپارلانۋدا. ەگەر كوروناۆيرۋس ينفەكتسيياسىن جۇقتىرۋ ازايسا, كارانتين شارالارى جەڭٸلدەتٸلەدٸ", - دەلٸنگەن حابارلامادا.
دەرٸگەرلەر بەتپەردە رەجيمٸ مەن اراقاشىقتىقتى ساقتاپ, ادام كٶپ جينالاتىن جەرلەرگە بارماۋعا كەڭەس بەردٸ.
