Azamattardyń qaýipsizdigi úshin karantin kezeńinde elordalyq jumyspen qamtý ortalyǵynyń memlekettik qyzmetteri eGov.kz portaly, call-ortalyq, elektrondy poshta jáne uialy bailanys arqyly onlain rejimde kórsetiledi, dep habarlaidy "Ult aqparat" elorda ákimdiginiń resmi saityna silteme jasap.
Elorda biligi qala turǵyndaryn jumysqa ornatastyrý boiynsha keshendi sharalar qabyldady. Jumys izdep júrgen azamattar onlain-keńes ala alady. Sall-ortalyq nómirleri ortalyqtyń www.cz.astana.kz resmi saitynda qoljetimdi.
Sondai-aq, «Eńbek» baǵdarlamasy aiasynda jumyspen qamtý ortalyǵy jumyssyz azamattarǵa turaqty jumysqa ornalasý múmkindigi bar «jastar tájiribesi», «áleýmettik jumys orny», «qoǵamdyq jumystar» baǵdarlamalaryna qatysýdy usynady.
Sonymen qatar, jumys berýshiler «Elektrondy eńbek birjasy» internet-portalynda, jeke kabinet arqyly bos jumys oryndaryna adam jinaý jáne bos jumys oryndaryn toltyrý boiynsha belsendi jumys júrgizýde. Enbek.kz portaly úiden shyqpai-aq, onlain rejimde jumys izdeýge múmkindik beredi. Ol úshin tirkelip, ózińizdiń jeke kabinetińizdi ashyp, túiindemeńizdi ornalastyrýyńyz kerek.
TJ engizilgen sátten bastap 335 azamatqa jumysqa turý boiynsha kómek kórsetildi. Onyń ishinde 154 adam turaqty jumysqa ornalasqan.
Jastar tájiribesinen ótýge 29 adam jiberildi (jyl basynan beri - 194), 143 adam «Qoǵamdyq jumystar» baǵdarlamasyna qatysty (jyl basynan beri - 995), «Áleýmettik jumys» oryndaryna 9 adam jumysqa ornalastyryldy (jyl basynan beri - 61 adam).
2020 jyldyń basynan jańa biznes-ideialardy iske asyrý úshin memlekettik grant bólý jónindegi komissiia 59 grantty maquldap, onyń 47-si berildi.
